ശ്വാസകോശസംബന്ധമായരോഗങ്ങൾക്കുളള ഭക്ഷണക്രമം
മൂന്നുനേരം ഭക്ഷണം കൂടുതലായി കഴിക്കുന്നതിന് പകരം ചെറിയ അളവിൽ ആറുനേരം ഭക്ഷണം കഴിക്കുന്നത് അമിതമായി വയറുനിറയുന്നതിനെ തടയുന്നു
നിറഞ്ഞവയർ ശ്വാസകോശത്തിന്റെ ഡയഫ്രത്തിനെ തള്ളുന്നതിനാൽ സുഗമമായ ശ്വാസോച്ഛ്വാസത്തെ വിഷമതയിലാക്കുന്നു
ശ്വാസംമുട്ടലും വായുവിഴുങ്ങലും തടയുന്നതിനായി സാവധാനം കഴിക്കുകയും ചവയ്ക്കുകയും ചെയ്യുക
ശ്വാസകോശ മർദ്ദംകുറയ്ക്കാൻ നിവർന്നിരുന്ന് ഭക്ഷണം കഴിക്കുക
ഭക്ഷണത്തിനിടയിൽ വെള്ളംകുടിക്കുന്നത് ഒഴിവാക്കുക. ഇത് വയർ നിറയുന്നതിനു കാരണമാകുന്നു
ശ്വാസോച്ഛ്വാസം തകരാറിലാക്കുകയും വയർസ്തംഭനം ഉണ്ടാക്കുകയും ചെയ്യുന്ന ഗ്യാസ് അടങ്ങിയ ഭക്ഷണ പദാർത്ഥങ്ങൾ ഒഴിവാക്കുക. ഉദാ കിഴങ്ങുവർഗ്ഗങ്ങൾ, കോളീഫ്ലവർ, കാബേജ്, സവാള, ബീൻസ്, ചോളം, പട്ടാണി, കക്കിരിക്ക, തണ്ണിമത്തൻ കൂടാതെ എണ്ണപ്പലഹാരങ്ങൾ
അമിതമായ ഉപ്പിന്റെ ഉപയോഗം ശരീരത്തിൽ നീർവീക്കം വർദ്ധിപ്പിക്കുകയും ശ്വാസോച്ഛ്വാസത്തെ തടസ്സപ്പെടുത്തുകയും ചെയ്യും
മരുന്നിന്റെ ഫലത്തെ തടസ്സപ്പെടുത്തുന്ന കഫീൻ അടങ്ങിയ ലഘുപാനീയങ്ങൾ ഒഴിവാക്കുക. ഉദാ കാപ്പി, ചായ, സോഡ, കോളകൾ, എനർജി ഡ്രിങ്ക്സ് തുടങ്ങിയവ
പോഷക സമ്പുഷ്ടമായ പ്രാതൽ ശീലമാക്കുക
അസ്ഥികളുടെ ആരോഗ്യ സംരക്ഷണത്തിന് വിറ്റാമിൻ ഡി, കാൽസ്യം അടങ്ങിയ ഭക്ഷണ പദാർത്ഥങ്ങൾ ശീലമാക്കുക
മാംസ്യം അടങ്ങിയിട്ടുള്ള മാംസം, മൽസ്യം, മുട്ട, പയറുവർഗ്ഗങ്ങൾ, പാലും, പാലുൽപ്പന്നങ്ങളും ധാരാളമായി ഉൾപ്പെടുത്തുക
കൊഴുപ്പു നീക്കം ചെയ്ത പാൽപ്പൊടി ചൂടുപാലിലോ ധാന്യങ്ങളിലോ സൂപ്പുകളിലോ ചേർക്കുക
സൂപ്പുകളിലും മറ്റുമായി ചെറുതായി അരിഞ്ഞ രൂപത്തിൽ മുട്ട, മാംസം, ചീസ്, പയറുവർഗ്ഗങ്ങൾ എന്നിവ ചേർക്കുന്നത് മാംസ്യംവർദ്ധിപ്പിക്കുവാൻ സഹായിക്കുന്നു.
പലഹാരങ്ങളുടെ കൂടെ അണ്ടിപ്പരിപ്പുകളും പീനട്ട്ബട്ടർ, ചീസ് തുടങ്ങിയവ ചേർക്കുന്നത് നല്ലതാണ്
ഒമേഗാ ഫാറ്റി ആസിഡുകൾ അടങ്ങിയ ചെറുമത്സ്യങ്ങൾ ഉൾപ്പെടുത്തുക. ഉദാ അയല, മത്തി, കോര, ചൂര ആന്റിഓക്സിഡന്റുകൾ അടങ്ങിയിട്ടുള്ള പഴവർഗ്ഗങ്ങളും പച്ചക്കറികളും കഴിക്കുന്നതിലൂടെ രോഗപ്രതിരോധശേഷി വർദ്ധിക്കുന്നു.
അണ്ടിപ്പരിപ്പുകളും എണ്ണക്കുരുക്കളും ആന്റി ഓക്സിഡന്റുകളാൽ സമ്പുഷ്ടമാണ്. ഇവയിൽ അടങ്ങിയിട്ടുള്ള എണ്ണ കഫം കുറയ്ക്കാൻ സഹായിക്കുന്നു. ഉദാ ബദാം, അക്രോട്ട്, മത്തൻകുരു, ഫ്ളാക്സിഡ് തുടങ്ങിയവ